好多IBD患者都唔想長期食藥，甚至部份患者憑感覺，覺得「無肚痛無肚痾」就等同無事，因而自行調節藥物劑量。咁樣當然唔恰當，但係影響可以有幾壞？病人可能心想自己減少少藥，又不是完全停藥，未必會令病情即時好大幅度咁變壞，但實情係控制病情上就一定變差。
要記緊，紓緩病徵只係短期目標，長遠嚟講係要控制病情，希望腸內壁唔再發炎、降低未來患上腸癌嘅風險；擅自減藥或停藥，長遠嚟講，好可能令病情變得不受控制。如果真係覺得食藥食得好困擾，必須係同醫生商量，或許可以減輕劑量，並同時加密覆診嚟觀察病情，用一個最有效嘅方法控制病情。
* 李恒輝醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。
