唔同程度嘅IBD，用嘅藥物都會唔同，一般嚟講都會係用基本嘅藥物，視情況再慢慢加強。最常用嘅係抗腸炎藥5-ASA，尤其係輕度至中度嘅潰瘍性結腸炎患者，都會先嘗試以5-ASA醫治；然而，對於嚴重嘅潰瘍性結腸炎及克隆氏症患者，就可能要用到壓抑免疫系統嘅藥，例如類固醇等，可以較快見到療效，能夠把病情盡早壓抑下來。
但係長期使用類固醇，副作用可能比IBD本身更傷害身體，因此大部份都只會作短期使用，同時間則嘗試以其他藥物，控制病情，如第一線藥物Azathioprine便需要6至8 個星期，先能夠達至最佳療效，而且每個人接受嘅份量都唔同，喺使用類固醇期間，就係調節份量以平衡對肝、骨髓、造血等帶嚟嘅副作用。如果第一線藥物尚未足夠，就可能要轉用生物製劑，如歷史較長久嘅抗腫瘤壞死因子（anti-TNF）又或者較新嘅生物製劑IL12/IL23等，逐步嘗試以求能控制病情。
* 李恒輝醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。
