IBD患者大多係出現咗病徵，包括肚痾、大便有血、肚痛、消瘦同發燒等，一經檢查，先至發現患上了IBD。可惜部份患者即使已有病徵，但情況唔算嚴重，以為只係一般腸道問題，錯失「早醫」嘅機會。直至腸道持續發炎，病徵愈來愈嚴重，患者先至正視，變成「遲醫」。
咁「早醫」同「遲醫」又有咩分別？大部份IBD患者，開始病發時都較為年輕，如果一直能避免腸道發炎，就算去到50、60歲，病情都唔會太差。相反，就算同一個人，如果喺20歲病發時掉以輕心，直到40歲先至求醫，中間呢段過程，身體可能已出現不可逆轉嘅傷害，病情自然較「早醫」為差，甚至去到50、60歲時，患腸癌等嚴重併發症嘅風險亦較高，所以真係愈早求醫愈好。
* 李恒輝醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。
